ලංකාවේ ෆේස්බුක් අවකාශ තුල ඇවිලෙන කියුබානු ඇමරිකා අර්බුදයට පෙට්‍රල් ටිකක් දාන්න හිතුනා.
දැන් බොහෝ දෙනා කියන්නේ කියුබාව ඔබාමා යාම හරහා ප්‍රජාතාන්ත්‍රික ධනවාදයේ සෞභාග්‍යය උදා කරගන්න බව නේ. එතකොට කියුබන් ෆෑන්ස් ලා කියනවා රවුල් ගේ බල්ලවත් ඔබාමාව ගණන් ගත්තේ නැහැ, විප්ලවය පරද්දන්න තොපිට ඔහොම බැහැ කියලා.
එහෙත් ඔය වේදිකාවක රගදක්වපු නාට්‍යයක් වගේ එකක්.
සැබෑ ජීවිතයේ කියුබාවේ විප්ලවය පරද්දන්නේ බරක් ඔබාමා නෙවි රාවුල් කස්ත්‍රෝ. රාවුල් ෆිදෙල්ගේ අසාර්ථක අන්තවාදී වාම දේශපාලනය වෙනුවට චයිනීස් ධනවාදය හඳුන්වා දීලා දැන් සැහෙන කාලයක්. කියුබාව ඉන්නේ සමාජවාදයෙන් ධනවාදයට යන මාවතේ. චීනය වියට්නාමය ගියා වගේ.
බොහෝ දෙනෙක් නොදන්නවා වුනාට කියුබානු ආර්ථිකය අනූව දශකයේ මුහුණ දුන්නු තත්වය සමාන වන්නේ කොමියුනිස්ට් සෝවියට් හා චීන දෙරටේ ඇති වූ මහා සාගතයට. ඉක්මනින් වෙනස් වෙන්න පටන් ගත්ත නිසා ජීවිත හානි අඩු වුණා. හැබැයි මිනිස්සු සැහෙන්න දුක් වින්දා. මීට මූලිකව බලපෑවේ සෝවියට් සංගමයෙන් පිනට යැපුණු කියුබානු සිස්ටම් එක සංගමේ විසිරුවා හැරියම අනාත වීම, එය සමාජවාදයේ රෙලික් එකක් වන ෆිදෙල්ගේ අසාර්තකත්වය මනා සේ පෙන්නුවා. ඒ අසරණ වෙච්ච කියුබාවට ප්‍රතිසංස්කරණ හඳුන්වා දෙමින් ධනවාදී චීනයේ [එනි ඔබ්ජෙක්ෂන්ස්??] එල්ලගෙන ඉදිරියට ගෙනියන වැඩේ රවුල් පටන්ගෙන දැන් තරමක් කල්. "ප්‍රතිසංස්කරණ" ඔව් එව්වා තමා, වම්මුන්ගේ බියකරු වචනය.
දැන් දේශපාලනේ නොදන්නා අඳබාලයෙක් ඇරෙන්න කතා කරනවද වර්තමාන චීන සමාජවාදය ගැන, වර්තමාන වියට්නාම් සමාජවාදය ගැන... එව්වා ඉබේම හැරිලා. එව්වා හරවන්න ඇමරිකාව ගියේ නැහැ උන්ම හරෝ ගත්තා. ඒ හැරවීමේදී මීට පෙර විප්ලවීය සහෝදරයන්ගේ ආණ්ඩු, ඒකාධිපති ධනවාදී පවුල්වාදී දූෂිත හොර ගුහාවල් වෙනවා. ඒ පවුල්වලත් දෙවැනි පරපුර ඒකට කැමතියි, මොකද උන් උපතින්ම නිර්ධනයින් නොවේ.
දැන් කාලෙක සිට රාවුල් වැඩේ පටන්ගෙන තියෙන්නේ. ඔබාමා ඇත්තෙන්ම ගියේ පොඩි රාජ්‍යතාන්ත්‍රික හලෝ පාරක් එක්ක හොලිඩේ ට්‍රිප් එකක් තමා, මොකද මිනිහට ගිහිල්ල දෙන්න අමුතු බක්කක් ඉතුරු වෙලා නැහැ.
දැන් කට්ටියක් බලාගෙන ඉන්නවා ඔබාමාගේ සංචාරයත් එක්ක ධනවාදයේ දහම්කඳ කියුබානු සිත් සතන් වලට ගිහින් උන්ට ඒහි පස්සිකෝ භාවයෙන් ප්‍රජාතන්ත්‍රවාදයයි සෞභාගයයි ලැබෙනකම්, තව කට්ටියක් බලාගෙන ඉන්නවා ඇමරිකාව සත පහකට ගණන් නොගෙන සමාජවාදය වෙනුවෙන් නොසැලී ඉන්න විප්ලවීය කියුබාව ජය ගන්න හැටි. රෙද්ද තමා, බටහිර ආයෝජන වලට දොර විවර කලාට පස්සේ කස්ත්‍රෝ පවුලේ එකාධිපතිකම ගැන ඇමරිකාව මීක් කියන්නේනැහැ. තමන්ගේ ඒකාධිපති පාලනය තුලට බටහිර ආයෝජන ගලා එන්න ගත්තම විප්ලවේ පකිස් පෙට්ටියේ දාලා පුස්කන්න දාන්න දැනටමත් රවුල් සෙට් වෙලා ඉවරයි.
කියුබාව තව දශකයකින් බටහිර ආයෝජන වලට ශ්‍රමය හා [ටුවරිසම් ඇතුළු] සේවා සපයන කස්ත්‍රෝ හා තවත් එවැනි පවුල් කීපයක එකාධිපතිවාදයක හිරවුණු පිචන් ධනවාදී රටක් වෙලා තමයි නවතින්නේ. විසිවැනි සියවසේ ගොන්පාට් වල හිරවුණු ලාංකීය සංවාද අවකාශවල ඉන්න ධනවාද ෆෑන්ස් ලා කියන සුරංගනා සිහිනය හෝ සමාජවාද ෆෑන්ස් ලා කියන සුරංගනා සිහිනය සිද්ද වෙන්නේ නැහැ.
දැන්වත් උන්ට උන්ගේ පාඩුවේ උන්ගේ මහපොළොවේ ප්‍රශ්න අසල්වාසීන් එකක් උන්ට ගැලපෙන ලෙස විසඳ ගන්න දීලා තොපිලගේ හීන වලට වෙන තැනක් හොයා ගනිල්ලා. දැන් ඔය හීන කාරයින්ට ඉතුරු ඉස්පයිඩර් මෑන් සුපර් මෑන් හැරී පොටර් අවකාශය විතරයි.
