[මෙහි සඳහන් කිසිදු කතාවක් ඉතිහාස කතන්දරයක් නොවන බව කරුණාවෙන් සලකන්න]
----------------
සොඳුරු පාටලී පුත්‍ර නගරයයි. නිග්‍රෝධ සාමනේර හිමියෝ ශාන්ත ගමනින් වඩිති. එක්තරා දෛවෝපගත හමුවීමක් සිදුවීමට නියමිතව තිබේ. සකල දිග භාරත දේශයම තමන්ගේ අණසකට නතු කල අශෝක නම් මහාධිරාජයා එහිමියන් දැක පැහැදී දම් අසා තෙරුවන් සරණ යාමට නියමිතව තිබේ.
එහෙත් එය එසේ නොවිණි. කෙතරම් පරාද වුවද ලෙහෙසියෙන් යටත් නොවූ කාලිංග දේශ වාසීහු අධිරාජයාට එරෙහිව බිහිසුණු කැරැල්ලක් ආරම්භ කළහ. යුධයෙන් කලකිරී හුන්නද තම මර්මස්ථාන බිඳලමින් සතුරා තම සෙන්පතියන් මරා දමනු දුටු මහාධිරාජයාට තවත් නම් ඉවසිය නොහැකි විය. සියල්ල පසෙක තබා අධිරාජයා යුධ බිමට වන්නේය.
නිග්‍රෝධ සාමණේර හිමියන්ට අශෝක අධිරාජයා මුණ නොගැසිනි. මෞර්ය අධිරාජ්‍යයට බුදු දහම අහිමි විය. තව තවත් යුධයට ම වන් අධිරාජයා චීනයෙන්ද බුරුමයෙන්ද පර්සියාවෙන්ද කොටස් අල්ලා ගෙන යුධයෙහි ම ඇලී ගැලී මළේය.
----------------
පොන්ටියස් පිලාත් නඩුකාර අසුනේය. නාසරතයේ ජේසු තුමා විත්ති කූඩුවේය. පෙරදා විඳි අනේකවිධ වධයෙන් ලේ ගලන තුවාල සහිතව වේදනාභරිතව උන වහන්සේ වැඩ සිටිති. ජේසු ව කුරුසියේ තබා ඇණ ගසන ලෙස බලකරන යුදෙව් පූජකයෝ ගිනි ගන්නා දෑසින් බලා සිටිති. තවත් දෛවෝපගත නඩු තීන්දුවක් දීමට නියමිතය.
එහෙත් පොන්ටියස් පිලාත් තවම තීන්දුව දුන්නේ නැත. මේ මිනිසා කල වරදක් ඔහුට නොපෙනේ. දහදුක් විඳ වේදනාවෙන් ඉන්න අහිංසක මිනිසා මරන්නට ඔහුට සිත් නොදේ. ඔහුට එය කරන්නට සිදු වන්නේ ජුදා දේශයේ පූජක රැළ බල කරන නිසාය. සමහර විට එහෙම නොකලොත් කැරැල්ලක් ඇති විය හැකිය.
පොන්ටියස් පිළාත් අනාගතය අනුමාන කරයි. මෙතන මොනවා උනත් ජුදා දේශයේ කැරැල්ල නොවැලැක්විය හැක්කකි. යුරෝපයම හොල්ලා සුළු ආසියාවට පැමිණි රෝම අධිරාජ්‍යයට බලපෑම් කරන්නට මේ පූජකයින් කවුද? පිළාත් නැවත මාලිගය තුලට යයි. "ජුදාවේ කැරැල්ල වලක්වන්නට අමාරුයි. වහාම හමුදා තර කරන්න" හදිසි පණිවුඩයක් රහසේම රෝමය කරා යැවේ. ජේසුගේ නඩුව කල් යයි. ඊට සති කීපයකට පසු අමතර සේනා ලැබුණු වහාම ජේසු තුමා නිදහස් කෙරේ. බරබ්බස් නම් පල් හොරා ගොල්ගොතාවේ කුරුසියක මරා දැමුණි.
යේසුස් වහන්සේ එයින් පසුවද ජනයාට දේශනා පවත්වමින් චිරාත් කලක් ජීවත් වූහ. ජීවිත පූජාව හරහා ක්‍රිස්තියානිය ට රෝමය තුල ලැබුණු ප්‍රචාරය නොලැබුණි. මින් සියවස් කීපයකට පසු කොන්ස්ටන්ටයින් අධිරාජයා තීරණාත්මක සටනකට වන් කළ එහි තීරණයට බලපාන තරම් සෙනගක් ක්‍රිස්තියානියට උන්නේ නැත. කොන්ස්ටන්ටයින් උඩ බැලුවිට කුරුසාකාර වලාකුලකින් හිරු වැසෙනු දැක්කේ ද නැත. රෝම අධිරාජ්‍යය ක්‍රිස්තියානිය රාජ්‍ය ආගම කලේද නැත.
----------------
යත්රීබ් හෙවත් පසුව මදීනා අල් නබි ලෙස නම් ලබන්නට නියමිත නුවරයි. මොහොමඩ් නබි තුමාගේ සම්ප්‍රාප්තිය සිදුවන මොහොතයි. නගරයේ පාලකයින් අතර අසමගිතා සහ ගැටුම නිසාවෙන් නගර ජනයාගේ සහයෝගය ඔහුට ලැබීමට නියමිතය.
එහෙත් කිසියම් අසාමාන්‍ය හේතුවකට නගර පාලකයෝ එකමුතු වූහ. නබි තුමාට බලාපොරොත්තු නොවූ ප්‍රහාරයක් එල්ල විය. මක්කම් වැසියෝ දිගින් දිගටම පරාජය ලැබූහ. අවසානයේ මොහොමඩ් නබි තුමාට මක්කමත් අතහැර සටනින් පසු බසින්නට සිදු විය. අරාබි කාන්තාරයේ කෙළවරක කුඩා ගෝත්‍රයක් ලෙස පැවතීමට නිදහස ලැබුණද, කවදාවත් ඔවුන් ට ප්‍රධාන නගරයක් නතු නොවීය.
මේ සිදුවීම නිසාවෙන් එතුමාගේ අනුගාමික ප්‍රජාවට මදීනාවක් හෝ මදීනාව පදනම්ව ලෝකයේ බිහිවූ විශාලම ආගමික රාජ්‍යයන් වන රශිදුන් උමායඩ් හා අබාසිඩ් කාලිෆේට් බිහි කරන්නට අවකාශ නොලැබේ. අරාබිය ඉස්ලාමය වැළඳ ගැනීම තබා ඒ ගැන දන්නේද බොහොම ටිකකි.
----------------
දිල්ලිය ගිනි ගනී. නගරය වටලා හුන් මොංගල් හමුදා නගර ප්‍රාකාරවල දුර්වල තැනකින් නගරයට ඇතුළු වී ඇත. කවදාවත් මොන්ගලයින්ට නොවැටෙන්න නියමිතව හුන් භාරතයේ මුර කපොල්ල කිසියම් හේතුවක් නිසා බිඳ වැටී තිබේ. ඉතිහාසයේ උන් කෲරතම ආක්‍රමණිකයෝ දිල්ලිය වනසා එහි හුන් ගැහැණුන් වහල් කමට විකුණා පිරිමි දරුවන් සිය හමුදාවට කොල්ල කාගෙන සියලු වැඩිහිටි පිරිමින් පෙති ගසා දමන ලදී.
දිල්ලිය තුලින් පටන් ගත් සමූල ඝාතන ගංගා නදිය ඔස්සේද සින්ද් නදිය ඔස්සේද පසුව ඩෙකාන් සානුව ඔස්සේ ද විහිදී ඉන්දියාව රුධිර ගංගාවක් බවට හරවන ලදී. නගර වූ තැන්හි සති ගණන් දැවුණු මහා ගිනි පමණක් ඉතිරි විය. ශිෂ්ටාචාර වූ කිසිවක් ඉතිරි වූයේ නැත. වේද ග්‍රන්ථ ද මහා භාරතය ද රාමායනය ද ඉපැරණි ඉන්දියාව සතු සියලු දැනුමද ඒ ගින්නේ ම අළු වී ගියේය. සියවස් ගණනකින් නැවත අළු ගසා නැගිටින කුඩා ඉන්දියානු ජන ප්‍රජාව හින්දු ආගම ගැන අබමල් රොනක කාරනාවක් දැන උන්නේ නැත.
----------------
මේවා මෙසේ සිදු වුනි නම් .....
අද බෞද්ධ ක්‍රිස්තියානි ඉස්ලාම් හින්දු ආගමික වියරුවකින් තැන තැන අමන ක්‍රියා කෝලහාල ත්‍රස්ත ප්‍රහාර හා යුධ සටන් කරන්නට යමක් ඉතිරි වන්නේ නැත. කිසියම් දෙවියෙකුට රාජ්‍ය තනන්නට හෝ ඒ දෙවියා වෙනුවට වෙනත් දෙවියෙකුට ඒ රාජ්‍ය කොල්ල කන්නට හෝ දේවාලයක බිම්කඩක් වෙනුවෙන් ගම්මාන ගිනි තියන්නට හෝ ධර්මයක් උදෙසා රාජ්‍ය පිහිටුවන්නට අනික් ආගමිකයන් සමග ගහ මරා ගන්නට කාටවත් අවශ්‍ය නොවේ. මුදල් දී අනෙකාගේ ආගමික පොත් හා ප්‍රතිමා ගිනි තබා තමන්ගේ ගුබ්බෑයමට මිනිසුන් වද්දා ගන්නට හෝ, එවැනි ගුබ්බෑයම් ගිනි තබා තමන්ද ඊට නොදෙවෙනි බව කියන්නට අවශ්‍ය නැත. කන්දකට ගලකට ආගම් කීපයක ආගමික අගයක් ලබා දී ඒ වෙනුවෙන් ප්‍රතිවාදියා මරාගෙන යුධ වදින්නට අවශ්‍ය වන්නේ නැත.
එසේ නම් බුදුදහම, ක්‍රිස්තියානිය, ඉස්ලාමය හා හින්දු ආගම ගැන කතා කරන්නේ එක්කෝ පුරා විද්‍යාඥයින් හා ඉතිහාසඥයින්ය. නො එසේ නම් ප්‍රාදේශීය දර්ශනවාද විශ්වාස හා ඇදහිලි ගැන පර්යේෂණය කරන විද්වතුන්ය.
ලෝකය සුන්දර වනු ඇතැයි ඔබට සිතෙනු ඇත.
එහෙත් ඔබ වැරදිය.
ඒවා නොතිබ්බේ නම් වෙනත් කාගේ හෝ කතාවකට, මතවාදයකට, පොතකට, ජීවිත පූජාවකට, තරු පොකුරකට, දේශගුණ වෙනසකට, කන්දකට මුහුදකට හෝ වෙනත් කිසියම් දෙයකට මෙලෙසින්ම ගැලී අගක් මුලක් නැතිව, අපේ එක හරි ඩෝ, තොගේ එක බොරු ඩෝ, මේක අපේ එකේ බිම ඩෝ, කියාගෙන ලෝකයේ විවිධ බසින් කෑ ගසන පෙනුමෙන් වෙනස් එහෙත් අත්‍යන්තයෙන් ම සමාන වූ මානව ප්‍රජාවක් දැකිය හැකි වනු ඇත. ආගමික නායකයා හිස ගැසුම් කෑ දවසට දරුවන්ගේ මුහුණු කපනවා වෙනුවට අහස රතුපාට වන අවුරෝරා කාලයට එයම කරනු ඇත. අර ආගම් වැනිම වූ වෙනත් ආගම් වෙනුවෙන් එලෙසින්ම ගහ මරා ගනිමින් නිල් පාට බෝලය මෙලෙසින්ම පෙරළෙනු ඇත.
කරන්නට දෙයක් නැත. බලු වලිගේ ඇද තීන්දු වන්නේ දැමූ උණ පුරුකේ වක්‍රතාවය මත නොවේ.
----------------
සොඳුරු පාටලී පුත්‍ර නගරයයි. නිග්‍රෝධ සාමනේර හිමියෝ ශාන්ත ගමනින් වඩිති. එක්තරා දෛවෝපගත හමුවීමක් සිදුවීමට නියමිතව තිබේ. සකල දිග භාරත දේශයම තමන්ගේ අණසකට නතු කල අශෝක නම් මහාධිරාජයා එහිමියන් දැක පැහැදී දම් අසා තෙරුවන් සරණ යාමට නියමිතව තිබේ.
එහෙත් එය එසේ නොවිණි. කෙතරම් පරාද වුවද ලෙහෙසියෙන් යටත් නොවූ කාලිංග දේශ වාසීහු අධිරාජයාට එරෙහිව බිහිසුණු කැරැල්ලක් ආරම්භ කළහ. යුධයෙන් කලකිරී හුන්නද තම මර්මස්ථාන බිඳලමින් සතුරා තම සෙන්පතියන් මරා දමනු දුටු මහාධිරාජයාට තවත් නම් ඉවසිය නොහැකි විය. සියල්ල පසෙක තබා අධිරාජයා යුධ බිමට වන්නේය.
නිග්‍රෝධ සාමණේර හිමියන්ට අශෝක අධිරාජයා මුණ නොගැසිනි. මෞර්ය අධිරාජ්‍යයට බුදු දහම අහිමි විය. තව තවත් යුධයට ම වන් අධිරාජයා චීනයෙන්ද බුරුමයෙන්ද පර්සියාවෙන්ද කොටස් අල්ලා ගෙන යුධයෙහි ම ඇලී ගැලී මළේය.
----------------
පොන්ටියස් පිලාත් නඩුකාර අසුනේය. නාසරතයේ ජේසු තුමා විත්ති කූඩුවේය. පෙරදා විඳි අනේකවිධ වධයෙන් ලේ ගලන තුවාල සහිතව වේදනාභරිතව උන වහන්සේ වැඩ සිටිති. ජේසු ව කුරුසියේ තබා ඇණ ගසන ලෙස බලකරන යුදෙව් පූජකයෝ ගිනි ගන්නා දෑසින් බලා සිටිති. තවත් දෛවෝපගත නඩු තීන්දුවක් දීමට නියමිතය.
එහෙත් පොන්ටියස් පිලාත් තවම තීන්දුව දුන්නේ නැත. මේ මිනිසා කල වරදක් ඔහුට නොපෙනේ. දහදුක් විඳ වේදනාවෙන් ඉන්න අහිංසක මිනිසා මරන්නට ඔහුට සිත් නොදේ. ඔහුට එය කරන්නට සිදු වන්නේ ජුදා දේශයේ පූජක රැළ බල කරන නිසාය. සමහර විට එහෙම නොකලොත් කැරැල්ලක් ඇති විය හැකිය.
පොන්ටියස් පිළාත් අනාගතය අනුමාන කරයි. මෙතන මොනවා උනත් ජුදා දේශයේ කැරැල්ල නොවැලැක්විය හැක්කකි. යුරෝපයම හොල්ලා සුළු ආසියාවට පැමිණි රෝම අධිරාජ්‍යයට බලපෑම් කරන්නට මේ පූජකයින් කවුද? පිළාත් නැවත මාලිගය තුලට යයි. "ජුදාවේ කැරැල්ල වලක්වන්නට අමාරුයි. වහාම හමුදා තර කරන්න" හදිසි පණිවුඩයක් රහසේම රෝමය කරා යැවේ. ජේසුගේ නඩුව කල් යයි. ඊට සති කීපයකට පසු අමතර සේනා ලැබුණු වහාම ජේසු තුමා නිදහස් කෙරේ. බරබ්බස් නම් පල් හොරා ගොල්ගොතාවේ කුරුසියක මරා දැමුණි.
යේසුස් වහන්සේ එයින් පසුවද ජනයාට දේශනා පවත්වමින් චිරාත් කලක් ජීවත් වූහ. ජීවිත පූජාව හරහා ක්‍රිස්තියානිය ට රෝමය තුල ලැබුණු ප්‍රචාරය නොලැබුණි. මින් සියවස් කීපයකට පසු කොන්ස්ටන්ටයින් අධිරාජයා තීරණාත්මක සටනකට වන් කළ එහි තීරණයට බලපාන තරම් සෙනගක් ක්‍රිස්තියානියට උන්නේ නැත. කොන්ස්ටන්ටයින් උඩ බැලුවිට කුරුසාකාර වලාකුලකින් හිරු වැසෙනු දැක්කේ ද නැත. රෝම අධිරාජ්‍යය ක්‍රිස්තියානිය රාජ්‍ය ආගම කලේද නැත.
----------------
යත්රීබ් හෙවත් පසුව මදීනා අල් නබි ලෙස නම් ලබන්නට නියමිත නුවරයි. මොහොමඩ් නබි තුමාගේ සම්ප්‍රාප්තිය සිදුවන මොහොතයි. නගරයේ පාලකයින් අතර අසමගිතා සහ ගැටුම නිසාවෙන් නගර ජනයාගේ සහයෝගය ඔහුට ලැබීමට නියමිතය.
එහෙත් කිසියම් අසාමාන්‍ය හේතුවකට නගර පාලකයෝ එකමුතු වූහ. නබි තුමාට බලාපොරොත්තු නොවූ ප්‍රහාරයක් එල්ල විය. මක්කම් වැසියෝ දිගින් දිගටම පරාජය ලැබූහ. අවසානයේ මොහොමඩ් නබි තුමාට මක්කමත් අතහැර සටනින් පසු බසින්නට සිදු විය. අරාබි කාන්තාරයේ කෙළවරක කුඩා ගෝත්‍රයක් ලෙස පැවතීමට නිදහස ලැබුණද, කවදාවත් ඔවුන් ට ප්‍රධාන නගරයක් නතු නොවීය.
මේ සිදුවීම නිසාවෙන් එතුමාගේ අනුගාමික ප්‍රජාවට මදීනාවක් හෝ මදීනාව පදනම්ව ලෝකයේ බිහිවූ විශාලම ආගමික රාජ්‍යයන් වන රශිදුන් උමායඩ් හා අබාසිඩ් කාලිෆේට් බිහි කරන්නට අවකාශ නොලැබේ. අරාබිය ඉස්ලාමය වැළඳ ගැනීම තබා ඒ ගැන දන්නේද බොහොම ටිකකි.
----------------
දිල්ලිය ගිනි ගනී. නගරය වටලා හුන් මොංගල් හමුදා නගර ප්‍රාකාරවල දුර්වල තැනකින් නගරයට ඇතුළු වී ඇත. කවදාවත් මොන්ගලයින්ට නොවැටෙන්න නියමිතව හුන් භාරතයේ මුර කපොල්ල කිසියම් හේතුවක් නිසා බිඳ වැටී තිබේ. ඉතිහාසයේ උන් කෲරතම ආක්‍රමණිකයෝ දිල්ලිය වනසා එහි හුන් ගැහැණුන් වහල් කමට විකුණා පිරිමි දරුවන් සිය හමුදාවට කොල්ල කාගෙන සියලු වැඩිහිටි පිරිමින් පෙති ගසා දමන ලදී.
දිල්ලිය තුලින් පටන් ගත් සමූල ඝාතන ගංගා නදිය ඔස්සේද සින්ද් නදිය ඔස්සේද පසුව ඩෙකාන් සානුව ඔස්සේ ද විහිදී ඉන්දියාව රුධිර ගංගාවක් බවට හරවන ලදී. නගර වූ තැන්හි සති ගණන් දැවුණු මහා ගිනි පමණක් ඉතිරි විය. ශිෂ්ටාචාර වූ කිසිවක් ඉතිරි වූයේ නැත. වේද ග්‍රන්ථ ද මහා භාරතය ද රාමායනය ද ඉපැරණි ඉන්දියාව සතු සියලු දැනුමද ඒ ගින්නේ ම අළු වී ගියේය. සියවස් ගණනකින් නැවත අළු ගසා නැගිටින කුඩා ඉන්දියානු ජන ප්‍රජාව හින්දු ආගම ගැන අබමල් රොනක කාරනාවක් දැන උන්නේ නැත.
----------------
මේවා මෙසේ සිදු වුනි නම් .....
අද බෞද්ධ ක්‍රිස්තියානි ඉස්ලාම් හින්දු ආගමික වියරුවකින් තැන තැන අමන ක්‍රියා කෝලහාල ත්‍රස්ත ප්‍රහාර හා යුධ සටන් කරන්නට යමක් ඉතිරි වන්නේ නැත. කිසියම් දෙවියෙකුට රාජ්‍ය තනන්නට හෝ ඒ දෙවියා වෙනුවට වෙනත් දෙවියෙකුට ඒ රාජ්‍ය කොල්ල කන්නට හෝ දේවාලයක බිම්කඩක් වෙනුවෙන් ගම්මාන ගිනි තියන්නට හෝ ධර්මයක් උදෙසා රාජ්‍ය පිහිටුවන්නට අනික් ආගමිකයන් සමග ගහ මරා ගන්නට කාටවත් අවශ්‍ය නොවේ. මුදල් දී අනෙකාගේ ආගමික පොත් හා ප්‍රතිමා ගිනි තබා තමන්ගේ ගුබ්බෑයමට මිනිසුන් වද්දා ගන්නට හෝ, එවැනි ගුබ්බෑයම් ගිනි තබා තමන්ද ඊට නොදෙවෙනි බව කියන්නට අවශ්‍ය නැත. කන්දකට ගලකට ආගම් කීපයක ආගමික අගයක් ලබා දී ඒ වෙනුවෙන් ප්‍රතිවාදියා මරාගෙන යුධ වදින්නට අවශ්‍ය වන්නේ නැත.
එසේ නම් බුදුදහම, ක්‍රිස්තියානිය, ඉස්ලාමය හා හින්දු ආගම ගැන කතා කරන්නේ එක්කෝ පුරා විද්‍යාඥයින් හා ඉතිහාසඥයින්ය. නො එසේ නම් ප්‍රාදේශීය දර්ශනවාද විශ්වාස හා ඇදහිලි ගැන පර්යේෂණය කරන විද්වතුන්ය.
ලෝකය සුන්දර වනු ඇතැයි ඔබට සිතෙනු ඇත.
එහෙත් ඔබ වැරදිය.
ඒවා නොතිබ්බේ නම් වෙනත් කාගේ හෝ කතාවකට, මතවාදයකට, පොතකට, ජීවිත පූජාවකට, තරු පොකුරකට, දේශගුණ වෙනසකට, කන්දකට මුහුදකට හෝ වෙනත් කිසියම් දෙයකට මෙලෙසින්ම ගැලී අගක් මුලක් නැතිව, අපේ එක හරි ඩෝ, තොගේ එක බොරු ඩෝ, මේක අපේ එකේ බිම ඩෝ, කියාගෙන ලෝකයේ විවිධ බසින් කෑ ගසන පෙනුමෙන් වෙනස් එහෙත් අත්‍යන්තයෙන් ම සමාන වූ මානව ප්‍රජාවක් දැකිය හැකි වනු ඇත. ආගමික නායකයා හිස ගැසුම් කෑ දවසට දරුවන්ගේ මුහුණු කපනවා වෙනුවට අහස රතුපාට වන අවුරෝරා කාලයට එයම කරනු ඇත. අර ආගම් වැනිම වූ වෙනත් ආගම් වෙනුවෙන් එලෙසින්ම ගහ මරා ගනිමින් නිල් පාට බෝලය මෙලෙසින්ම පෙරළෙනු ඇත.
කරන්නට දෙයක් නැත. බලු වලිගේ ඇද තීන්දු වන්නේ දැමූ උණ පුරුකේ වක්‍රතාවය මත නොවේ.
අනිවා, අර ටික නැතිවුනත් අපට තාමත් යුදෙවු හා පේගන් ආගම් ටික තියෙනවා.. ඩෲයිඩ් පූජකයො ඉන්නවා.. සෞරාෂ්ඨ්‍රගෙ අනුගාමිකයො ඉන්නවා.. ආ! තව කොන්ෆියුසියසු යි ලා ඕත්සු යි ඉන්නවා.. ඔය මදෑ බං මරාගන්ට.. :D
ReplyDeleteඅනිවා, බයි ජුපිටර්, අපිට නැද්ද බං මරා ගන්න වෙන හේතු.
Deleteඅනික මෙතන නිර්මාණය වන දැවැන්ත රික්තය ඇතුලේ තව මොන මොන ආගම් හැදේද?
ගැලිලියෝ, කෙප්ලර් කොපර්නිකස් නිව්ටන් වගේ ආගම් වුනත් හැදෙන්න පුළුවන් වෙන එකක් නොතිබ්බ නම්.
බේරුමක් නෑ නේ! :(
ReplyDeleteගොඩ දාන්න බැහැ. බලු වලිගේ අවුලක් විනා උණ පුරුක් වල අවුලක් නොවේ.
Deleteආගම වූ කලී මිනිසා අධ්‍යාත්මිකව අනාථ වූ කල නිරුත්සාහකව මනැසට රිංගා සිය විෂබීජ පතුරන නිහඬ වෛරසයකි. ඉන් විනිර්මුක්ත වීමට මෙලොව තිරස්චීනයින්ට හැර අන් කිසි ප්‍රාණියෙකුට හැකිවී නැත. දැනුම බුද්ධිය අප වෙත ලැබුනේ මිනිසා රකින්නට මෙන්ම උන්ව පරිසරයට අහිතකර වූ කල නසන්නට අවැසි බෙහෙත් කලමණා රහසේ සඟවා ගනිමිනි.
ReplyDeleteහැබැයි ආගම වදයක් කර නොගත්තු ආගමික මිනිස්සු ඕන තරම් ඉන්නවා නේද?
Deleteආයෙත් අහල නරිය වලියක් දාගන්න ඕන වෙලා කිව්වලු මේ ගල මගේ කියල . වෙලාවට හාවා කිවේ එහෙනම් උඹම තියාගනින් කියල. හැබැයි හැමතැනම එහෙම හාවෝ නැහැ
ReplyDeleteසීන් එක ඊට සංකීර්ණයි. මෙතන වලිය යන්නේ ගුහාවට. හාවන්ටත් සාධාරණ වොරියක් ඇති මොකද පලක් නැති ගලක් වගේ නෙවෙයි ගුහාව. ඒත් මේ කතාවේ හාවෝ නැහැනේ. හාවට ඉන්නෙත් වෙන නරියෙක්.
Deleteඅසෝක විසින් සහෝදරයින් එකිනෙකා පුද්ගලිකවම මරද්දී අනෙක් එකෙක් ඉස්සර උනා නම් අසෝක රජ වන්නේද නැත.....
ReplyDeleteඅවුරුදු 9 ක දරුවෙකු ඇදට ගන්නා විට තාත්තට පිහියක් ගැනීමට හයියක් තිබ්බා නම් එවන් දූශකයින්ට බියේ අද ගෑනු මුහුන වහන්නේත් නැත...
පව් කාරයින්ට ගල් ගසන අවස්ථාවේ අනෙක් පැත්තේ රංග ජයවර්දන හිටියානම් ගල් ගහන්නෙ ජේසූන්ටය....
මේවා මෙහෙම සිද්ධ වුනා නම් ලෝකයේ ආගමික සිතියම පවතින හැටි ගැන මාර උනන්දුවක් තියෙනවා
Deleteවුනත් නැතත් ලියන සිතුවිල්ලට මම හෙන කැමතියි !
ReplyDeleteහයිපොතෙටිකල් කේස් මත පිහිටා තීන්දු තීරණ ගැනීම මා සිතන විදිහට එතරම් නිවැරදි කාරණයක් නොවේ....ඒවා එසේ සිදු වුනි නම් ඒ ඇසුරින් විය හැකි සිදුවීම් බොහොමයකි... සමනල පියාපත්ක් සෙලවුමේන් කුණා‍ටුවක් ඇති විය හැකි නම් සමාජ විකාශනයේ විවිධත්වය හමුවේ එහි විකල්ප මාර්ගයන් කොතෙක් තිබිය හැකිද?
ReplyDeleteඋදාහරනයක් ලෙස නව අදේවවාදීන් පවසන පරිදි, ආගම නොතිබුනේ නම් වර්තමානය වඩා යහපත් වන බව ප්‍රකාශයේ, පහසුවෙන්ම බහැර කරන කාරණය නම මිනිසා ශිෂ්ඨත්වයට පත් කිරීමට ආගම් වලින් කල කාර්‍යභාරයයි....
රටක් ආක්‍රමනය කරන ඕනෑම රටක් හෝ ජාතියක් තම සිතුම් පැතුම් , ගති පැවතුම් අනෙකාට හොදින් හෝ නරකින් පටවයි. ාඩගම පටන් ගන්නේ ඊට පසුවය , පසුව පාලනය කරන්න උන් (දේශපාලකයෝ ) තමන් යටතේ හෝ යටත් කරගන්න උන්න උන්ව තමාගේ බඩගෝස්තරවාද උදෙසා මේ අගම හෝ ආගම් වාදය යොදා ගනී.
ReplyDeleteඅවසාන වැකිය සමඟ එකඟයි - සමහර විට දැන් තිබෙන විදිහ වඩා හොඳ ඇති :)
ReplyDelete