මහා සිංහලේ වංශ කතාවේ අලුත් වර්ෂන් එකක් ඇවිත් ලු. වාසනාවකට තවම මට ඒක බලන්න වෙලා නැහැ. ඒත් පෙනෙන තරමට පරණ එකේ අවුල් ඊටත් එහාට තියෙන වැඩ සටහනක් බවයි තේරෙන්නේ. හැම දේම කපලා කොටලා විකුණන කාලෙක ඉතිහාසය වික්කම මොකද? අවාසනාවකට ඒක හිතන තරම් සිම්පල් නැහැ. ලංකාවේ ඉතිහාසය කියන විෂය වටේ සමහරු හිතෙන මවා ගෙන ඉන්න සේරම මිත්‍යා ගොඩ නැගෙන්නේ මේ ආකාරයට. ඒකෙ බලපෑම ලංකාවේ විවිධ අන්තවාදීන්ගෙන් මනාව තේරුම් ගන්න පුළුවන්.
මහා සිංහලේ වංශ කතාව ඉතිහාසයට දක්වන සම්බන්ධය සිරස සුපර් ස්ටාර් ශාස්ත්‍රීය සංගීතයට දක්වන සම්බන්ධය වගේ. ඒකෙ කියන කාරනා අරගෙන "සත්‍ය දැනුම" සොයා ගන්න එක අවුලක් නැහැ. මොකද මේවා කවුරු හෝ ඉස්මතු කරන්න එපයි. හැබැයි ඒකෙ කියන ඒවා තමයි හරි කියන මතයට එන්න එපා. උදාහරනෙකට "ඈත රන් විමන් තුලින්" ගීය ගයන්නේ අජිත් බණ්ඩාර නෙවෙයි.
ඔය වැඩසටහනේ ඉස්සර හිටියා පාර්ශ්ව තුනක්.
1. මෙලෝ හත්තිලව්වක් හරියට නොදන්නා හැම හත්තිලව්වම බාගෙට දන්නා මාධ්‍ය බකමුනෙක් [ඌට පුළුවන් රඟපාන්න විතරයි]. මේ මිනිහගෙන් ඉතිහාසය ඉගෙන ගන්න එක, ටුවරිස්ට් බීච් එකක ගයිඩ් කොල්ලෙක් කැම්පස් එකක ඉංග්‍රීසි උගන්නනවා වගේ.
2. කට විතරක් තියෙන බක පණ්ඩිතයින්. මේ අය "බොහෝ ඇසු පිරු" අය උනාට ඇසු පිරු දේවල් ව්‍යක්තව ගලපන්න අවශ්‍ය දැනුම හා පරිචය නැහැ. මේ අය විද්‍යාර්ථින් වුනේ හාන්සි පුටු වල. මේ අය කරන්නේ ඉතිහාසයේ සාමාන්‍ය සිද්ධි වලට ලුණු තුනපහ දාලා බයිට් හැදීම.
3. ඉතාම වියපත් පන නැති සැබෑ ඉතිහාසඥයෙක් [වැඩිම උනොත් ගෙන්නන්නේ එකයි මේ වර්ගයෙන්]. අර කට බරි සෙට් එක මේ මිනිහව බිත්තියට තියලා අහනවා "අඩෝ ක්‍රීටය ජනාවාස කලේ අපේ නාගදීපේ උන්නු නාගයෝ නේද? කියාපිය ඔව් කියලා, නැතිනම් තොගේ ඔලු කටු කුඩු කරනවා" කියලා. මේක නිකම් ලංකාවේ පොලිසියේ අත් අඩංගුවේ දුන්නු විත්ති ප්‍රකාශයක් වගේ.
ඉතිහාසය කියන්නේ අම්බානට සංකීර්ණ ඩල් සබ්ජෙක්ට් එකක්. ඒකෙ සම්මත ක්‍රමවේද, නිගමන පිළිගන්නා ආකාර, කාරනා ගලපන හැටි හරිම අවිනිශ්චිතයි. ඒක එක රැයකින් එළිකරන්න බැහැ. කාලයක් එක එක අතට පැද්දීලාත් එක මතයකට එන්න බැහැ. ඒක මහා චාටර් දෙයක් බහුතර ජනයාට. ඒ ඉතිහාසයේ හැටි.
ඒත් ඒක එහෙම වෙන්න ඕනේ. ඉතිහාසය කපලා ලුණු තුන පහ දාලා, බයිට් වලට බැදලා සැශේ පැකට් ගහලා දෙන්න බැහැ සතියකට පාරක් ජනයාට ආතල් ගන්න. එහෙම හැදෙන්නේ ඉතිහාසය [history] වෙනුවට මාධ්‍ය බකමුනෙක් ගේ කතාව [his story] අදහ ගත්තු පිරිසක්. බොහො විට මේ පිරිස තමා විවිධ අන්තවාදී රැළි වල පෙරමුණේම ඉන්නේ.
ඔන්න මගේ ගානේ මහා සිංහලේ වංස කතාවට පූර්විකාවක්. එන්ජෝයි ඈ.
දන්න් එවුන් නම් ආදේශ කරගනියි. ඒත් උඹ නොදන්නවා කියල හිතන්න බෑ අපේ ඉති.හාසය. (ඉතිරි වූ හාස්‍යය ) ට අනුව ටියුබ් ලයිට් වැඩියි. මම නම් කියන්නේ මහාවංශය කියන බොරුව පුච්චල දැම්ම නම් අපි ජාතියක් විදිහට ගොඩ.
ReplyDeleteමහා වංශයේ අවුලක් නොවේ. ඇත්තෙන්ම මහා වංශය වගේ ඉතිහාස ග්‍රන්ථ වලට පැවරුණු කොටසක් තියෙනවා. ඉතිහාසය තුල ඒවා තමා කරුණු වලට පාදක වෙන්නේ.
Deleteසිහි නුවන තියෙන මෙලෝ ඉතිහාසඥයෙක් ඔව්වා අදහගෙන ඉන්නේ නැහැ. පාවිච්චි කිරීම විනා.
අවුල තියෙන්නේ මේ කට්ටිය ඉතිහාසය උකහා ගන්න ආකාරය තුලයි. සුපර්ස්ටාර් මොඩල් එකෙන් ඉතිහාසය කරන්න බැහැ.
This comment has been removed by the author.
ReplyDeleteඅරූට මාධ්‍ය බකමූණා කියා ලිවීමෙන් බකමූණු ජාතියට සහ පොදුවෙ සත්ව ජාතියට කල අපහාසය ඉල්ලා අස් කර ගන්න මෙන් ඉල්ලනු කැමැත්තෙමි..
ReplyDeleteවර්තමානයේ බංකොලොත් භාවයේ හෙලුව වසන්නට අතීතය අලුතින් ලිවීම තමයි මේ.. මේ දවස්වල කුරුණෑගල පැත්තෙ අපෙ උන්ගෙන් ගුටි කකා ඉන්දියානු ශිල්පියෙක් (ස්තපති මහත්තයා )ලොකෙ ලොකුම ගල් පිලිමෙ නෙලනවා. ඔය ස්තපති මහත්තයා සිංහල බවුද්දයෙක්නෙ.. හීනෙන් ඉන්දියාවට ගිහින් ඇවිල්ල..
අර කිව්වත් වගේ මහාවංසයට අහවල් ටීකාව මගින් නිතර කෙරෙන්නේ ලංකාවේ පොලීසියේ ප්‍රශ්න කිරීම්--වැරදුණා, සෞදියේ ප්‍රශ්න කිරීම් (කාලෙට ගැළපෙන්න උදාහරණ ගන්න ඕනේ)--වලට සමාන දෙයක් නම් තමා.
ReplyDelete